Untitled

(Source: chebatikha, via hendemara)

hendabouemara:

لما تغيبى..

أنا بتلخبط بين السكر والملح..
وأدور ف الدولايب
على حبة فرح..
وملاقيتش..
لما تغيبى..
أنا والبيت بنتوه من بعض
وبابص فى وشه مايعرفنيش
وبخاف م القطة لما تنونو
ومن صوت الريح
اللى بيهرب من بين الشيش..
لما تغيبى..
كل الحاجات الحلوة يا حبيبتى
بترفض تعيش.. من غيرك
بينى وبينك..
لما تغيبى
أنا بحتاس..
بنسى العناوين
وأسامى الناس
باكل..
واشرب..
واضحك..
واكتب..
لكن كده.. من غير إحساس
وانسى القهوة تفور ع النار
ويروح الطعم
ويضيع الوش..
لما تغيبى
كل المرايات يا حبيبتى بتكدب
وتغش..
لما تغيبى..
أنا عن روحى بغيب
وبحس أن النفس اللى ف صدرى
غريب..
أصل الدنيا يا حبيبتى
مش على طول بتروح وتجيب..
قلوب طيبة..
أرجوكى.. خليكى قريبة
حتى لما تغيبى..

علي سلامة :)

(Source: hendemara)

wooooooow

(Source: annaharo, via selena2010)